Industrias Guerra, especializada no deseño e fabricación de guindastres mariños 100% in house, alcanzou un novo fito no desenvolvemento do seu guindastre robotizado, como parte do proxecto TECNAVAL enmarcado dentro do PERTE Naval.
Tras completar con éxito as fases previas do proxecto, nas que a empresa desenvolveu nova tecnoloxía para este modelo de guindastre, Industrias Guerra fabricou e montou o prototipo, integrando os sistemas mecánicos, hidráulicos e electrónicos desenvolvidos anteriormente.
Este avance inclúe a incorporación de controladores e unidades de procesamento para a xestión de operacións do guindastre robotizado, así como a instalación de sensores que permiten a monitorización en tempo real dos seus parámetros operativos, representando un importante salto tecnolóxico.
Nas próximas semanas, procederáse á validación do prototipo, que incluirá probas rigorosas para asegurar que o guindastre cumpre cos requisitos do novo modelo, así como cos estándares de calidade e eficiencia establecidos. Este proceso de validación é esencial para garantir o rendemento e a seguridade do guindastre en condicións operativas reais e, polo tanto, asegurar a súa industrialización.
A participación de Industrias Guerra no PERTE Naval reflicte o seu compromiso coa innovación tecnolóxica e o desenvolvemento sostible, contribuíndo ao fortalecemento do sector naval español. Este proxecto impulsa a modernización do sector mediate o desenvolvemento de tecnoloxías avanzadas que melloran a competitividad e sostibilidade da industria naval.
